Suliassamut immikkut ilinniarsimanut siunnersuineq

Suliassamik aalajangersimasumik meeqqamut, inuusuttumut ilaqutariinnulluunniit kalaallisut tunuliaqutalimmut tunngasumik peqarpisi aamma immikkut siunnersorneqarnissarnik atorfissaqartitsivisi? Taava VISO-mi immikkoortortamut kalaallit oqaasii kulturiallu pillugit immikkut ilisimannittoqarfiusumut saaffiginnissinnaavusi.

Siunnersuinerup siunertaraa suliassinnut atatillugu periarfissassi nukittorsarnissaat meeqqap, inuusuttup inersimasulluunniit ajornartorsiutaa oqimaatsoq pillugu. Peqatigiilluta isumaqatigiissutigissavarput siunnersuilluni oqaloqatigiinnerit qassit ilissi eqqarsaatigalusi tulluartuunersut. Siunnersuilluni oqaloqatigiinnerni ajornartorsiut erseqqissaavigissavarput, nutaanik ilisimasanik sakkussanillu tunillusi, assersuutigalugu suliniutissat, periaatsit, suleriaasissaq, ataqatigiissaarineq imaluunniit suleqatigiinneq. Meeraq, inuusuttoq inersimasorluunniit taassumalu qanigisai siunnersuinermi nalinginnaasumik akuutinneqassapput. Siunnersuineq ingerlanneqassaaq suliamut ilinniarsimasunit, kalaallit oqaasiinik kulturiannillu immikkut ilisimasalinnit.

Siunnersuineq naggaserlugu nalunaarusiamik pissaasi, kaammaattuutinik ataatsimoorluta nanisimasatsinnik imalimmik, ajornartorsiummik suliaqarnissinni qanoq ingerlariaqqisinnaanissinnik tunngasunik.

Taamatut siunnersuinermik ingerlataqarnerup naammassereernerani VISO-p neqeroorutigisinnaavaa qaammatit arfinillit angullugit suliamik malinnaanissani. Suliassinnik nangitsinissinni taamaalilluta ikorfartorsinnaavatsigit, VISO-mit siunnersorneqarnerup ingerlanneqarneranit kaammattuutaasut aalajangiusimaniarlugit, taamaalilluni tamakku meeqqamut, inuusuttumut inersimasumulluunniit siumut isigaluni iluaqutaaniassammata. Siunnersuinerup ingerlareernerata kingorna suleqatigiinnerup nanginneqarnissaa qanoq isumaqartiginersoq suliamiit suliamut tunngatillugu nalilerneqarsinnaavoq.

Siunnersorneqarnissaq kissaatigigussiuk, taava saaffiginnissuteqassaasi. Tamanna sioqqullugu angajoqqaat, angajoqqaanngortussat imaluunniit inuusuttut 15-nik ukioqalereersimasut akuersiteqqaartussaavasi.

Saaffiginnissutersi VISO saaffiginninnermut immersugassaa digitaliusoq atorlugu nassiutissavarsi.
(Malunigiaruk saaffaginnissummik immersuiffissaq taamaallaat qallunaajummat)

Kingornatigut siunnersortimit VISO-meersumit, immikkut suleqatigiiffiusumeersumit attavigineqassaasi, ingerlatsinissaq pilersaarusiornissaa pillugu.

Aalajangersimasumik suliassaateqarpisi, meeqqamik inuusuttumilluunniit ilaqutariinnit kalaallisut tunuliaqutalinnik angerlarsimaffiup avataanut inissiinissaq pillugu isumaliutigisassinnik aammalu tarnip pissusaa pillugu assigiissaakkamik misiligummik atuiffiginiakkassinnik? Taava immikkoortortamut kalaallit oqaasii kulturiallu pillugit immikkut ilisimannittoqarfiusumut saaffiginnissinnaavusi. Meeqqap inatsisaani § 171 b-mi tamanna tunngaveqarpoq.

Ilisimannittoqarfik qulaajaanermi ikiuutissaaq, taarserlugit angajoqqaatut piginnaasanik misissuisarneq imaluunniit angajoqqaanngortussat atugarisaannik misissuisarneq imaluunniit meeqqat tarnikkut misissuiffigineqartarnerat. Qulaajaaneq ingerlanneqassaaq kalaallit oqaasiinik kulturiannillu immikkut ilisimasaqartunik paasisimasaqartunillu peqataatitsilluni. Qulaajaaneq ingerlanneqassaaq assigiissaakkanik misiligutinik atuinani.

Qulaajaaneq naammassippat nalunaarusiamik inerniliinertalimmik tigusaqassaasi. Qulaajaanermi inerniliineq najoqqutassiaavoq. Angerlarsimaffiup avataanut inissiinissaq tunngavissaqarnersoq VISO-mit isummerfigineqassanngilaq, kisianni suliamut atatillugu nalilersuinissarsi nukittorsassavarput suliap ingerlateqqinneqarnissaanut isumaginnissinnaaqqullusi.

Maluginiaruk, 171 b sulianut tunngassuteqarmat ilissi kommunitut:

• Angerlarsimaffiup avataanut inissiinissamik isumaliuteqarussi, ataavartumik inissiinissamik inassuteqarniarlusi aamma akuersissutitaqanngitsumik meeravissianngortitsinissamik inassuteqarniarlusi.
• Angerlarsimaffiup avataanut inissiisoqarnissaanik aalajangersimagussi, aalajangiinerlu Naammagittaalliuteqartarfimmut eqqartuussivinnulluunniit suliassanngortinneqarsimappat. Tamanna pissuteqarpoq, kommuni pisussaatitaammat immikkut ilisimasaqarfiusumut qinnuiginnissalluni qulaajaasoqarnissaanik, angerlarsimaffiup avataanut inissiineq inaarutaasumik aalajangiiffigineqarnissaata tungaanut.

Qulaajaasoqarnissaa kissaatigigussiuk, taava saaffiginnissummik nassiussissaasi. Tamanna sioqqullugu angajoqqaat, angajoqqaanngortussat imaluunniit inuusuttut 15-nik ukioqalereersimasut akuersiteqqaartussaavasi. Akuersissuteqartitseqqaarnissarli pillugu piumasaqaat sanioqqussinnaavarsi meeqqamut inuusuttumulluunniit pitsaanerpaaq eqqarsaatigalugu.

Saaffiginnissutersi VISO saaffiginninnermut immersugassaa digitaliusoq atorlugu nassiutissavarsi.
(Malunigiaruk saaffaginnissummik immersuiffissaq taamaallaat qallunaajummat)

Kingornatigut siunnersortimit VISO-meersumit, immikkut suleqatigiiffiusumeersumit attavigineqassaasi, ingerlatsinissaq pilersaarusiornissaa pillugu.

Aalajangersimasumik suliamik ilissinni peqarpisi, meeraq inuusuttorluunniit ilaqutariinnit kalaallisut tunuliaqutalinneersumik angerlarsimaffiup avataanut inissinneqarsimasumik, misissuiffigineqarsimasumik imaluunniit ilimagineqarsinnaasumik tarnikkut assigiissaakkamik misissuiffigineqarsimasumik? Taava immikkoortortamut kalaallit oqaasii kulturiallu pillugit immikkut ilisimannittoqarfiusumut saaffiginnissaasi. Meeqqap inatsisaani § 171 c-mi tamanna tunngaveqarpoq.

Immikkoortortap suliassaraa suliaq misissuiffigissallugu nalilissallugulu, tarnikkut assigiissaakkamik misissuinermik atuineq arlaatigut takussutissartaqarnersoq kukkusumik naliliisoqarsimaneranut. Qulaajaaneq ingerlanneqassaaq ilaatigut kalaallit oqaasiinik kulturiannillu immikkut ilisimasaqartunik paasisimasaqartunillu peqataatitsilluni. Suliap misissorneqareerneratigut naliliinermik eqikkakkamik immikkoortortamit tigusaqassaasi, angerlarsimaffiup avataanut inissiinissamik aalajangerneq pillugu suliaq nutaamik suliareqqinneqassasnersoq ilissi imaluunniit Ungdomskriminalitetsnævnip naliliinissassinni atorsinnaasassinnik.

Angerlarsimaffiup avataanut suliamik ingerlasumik peqarussi, qulaani taaneqartunut assigusumik, taava saaffiginnissaasi. Tamanna sioqqullugu angajoqqaat, angajoqqaanngortussat imaluunniit inuusuttut 15-nik ukioqalereersimasut akuersiteqqaartussaavasi.

Saaffiginnissutersi VISO saaffiginninnermut immersugassaa digitaliusoq atorlugu nassiutissavarsi.
(Malunigiaruk saaffaginnissummik immersuiffissaq taamaallaat qallunaajummat)

Kingornatigut siunnersortimit VISO-meersumit, immikkut suleqatigiiffiusumeersumit attavigineqassaasi, ingerlatsinissaq pilersaarusiornissaa pillugu.