Nammineq inissisimanerit pillugu imaluunniit meeqqamut inuusuttumulluunniit angajoqqaatut siunnersorneqarsinnaavutit, ataasinngornermi, marlunngornermi, sisamanngornermi imaluunniit tallimanngornermi nal. 09.00-11.30 oqarasuaatikkut 0045 72 42 40 00-mut sianerlutit.
Siunnersuilluni oqaloqatiginnittarnerit
Siunnersuilluni oqaloqatigiittarnerit ataatsimiinnerit pingasut tikillugit neqeroorutigisinnaavagut, taakkulu internettikkut imaluunniit illit angerlarsimaffinni ingerlanneqarsinnaapput. Siunertaavoq illit - aamma pisariaqarpat qanigisatit - inissisimanerit pillugu paasisaqartinnerussallutit. Ataatsimoorluta oqaloqatigiissutigissavarput ulluinnarni qanoq iliorsinnaanersutit aammalu pisariaqarpat sumi ikiorneqarsinnaanersutit. Kommunimit ikorfartorneqarnissat pisariaqartinnerlugu nalilersorneq ajorparput, kommunimullu tamanna pillugu siunnersuuteqarsinnaanngilagut.
Naggataatigut naatsumik nalunaarusialiussaagut, tassani nammineq suut iliuuserisinnaaneritit innersuussutit allanneqassallutik.
Nalussanngilat kommuninnit ajornartorsiut taanna pillugu ikiorneqareersimaguit, nalinginnaasumik siunnersuilluni oqaloqatigiittarnissamik neqeroorfigininneq ajorpugut.
Siunnersorneqarnissamik saaffiginnikkuit, oqaloqatigiinnerup ingerlanerani kommunimut maannakkut attaveqarnerit apeqqutigissavarput. Aamma kaammattuutigaarput kommunimut ilisimatitsissutigissagit uagutsinnut attaveqartutit. Tamanna pissutigalugu kommuni suliannut tunngatillugu naggataatigut aalajangiisussatut akisussaaffeqarpoq. Kommuni oqaloqatigiinnermut ilanngullugu, taamaalilluta inissisimaninni pitsaanerpaamik ikiorneqarlutillu ikorfartorneqarnissat qulakkeersinnaavarput.
Siunnersuilluni ataatsimiinnerit pingasut tikillugit peqateqarusukkuit, digitalimik saaffiginnissummik immersuiffissaq aqqutigalugu uagutsinnut attaveqarsinnaavutit. Immersuiffissaq immersunnginnerani siunnersuutigaarput oqarasuaatikkut sianerlutit killilersugaanngitsumik oqaloqateqarnissaq.
Saaffiginnissummik immersuiffissamut linki
(Malunigiaruk saaffaginnissummik immersuiffissaq taamaallaat qallunaajummat)